Vöktun og rannsóknir

Úthlutanir úr Veiðikortasjóði

Veiðikortasjóður er fjármagnaður með hluta af gjaldi sem veiðimenn greiða fyrir veiðikort árlega. SKOTVÍS hefur frá stofnun (1995) gert kröfu á að hafa aðkomu að úthlutunarferlinu til að leggja áherslu á mikilvægi þess að veiðimenn hafi áhrif á forgangsröðun verkefna. Þann 29. nóvember 2010 var gerð sú breyting á matsferlinu að skipuð var sérstök ráðgjafanefnd um úthlutun úr Veiðikortasjóði en SKOTVÍS hefur þar einn fulltrúa (Sigríður Ingvarsdóttir) af fimm (5), sem starfa eftir ákveðnum verklagsreglum.  Þessi breyting gerir það að verkum að skotveiðimenn á Íslandi hafa nú meira um það að segja hvernig fjármunum Veiðikortasjóðs er varið.

Taflan hér að neðan er m.a. unnin á grundvelli fyrirspurna á Alþingi, frétta [1995, 1997, 2010, 2011, 2012] og formlegra fyrispurna.  Eins og sjá má, þá vantar upplýsingar um nokkur heiti verkefna,  SKOTVÍS mun vinna áfram í því að afla frekari gagna um niðurstöður þessarra verkefna og birta á vef SKOTVÍS.