Skotveiðifélag Íslands

Í um þrjú ár hefur Kvikmyndafélagið Frjálst Orð unnið að gerð þessara myndar og er nú orðin veruleiki.

 

Saga íslensku hreindýranna er rakin og er lífsbaráttu þeirra er lýst í harðri náttúru Íslands.  Sagt er frá úthlutun veiðileyfa og hreindýraveiði á Austurlandi.  Fæðutegundir dýranna eru tilgreindar og ýmis annar fróðleikur sem áður hefur ekki komið fram.  Hér eru einstakar myndir af nýfæddum kálfum í Mjóafirði, einnig myndir af dýrum á fengitíma. Þessi fallegu dýr hafa einstakan eiginleika til að aðlaga sig að mismunandi veðurfari og þau skipta um útlit eftir árstíðum.  Þetta virðast vera elskuleg dýr sem standa saman og hjálpast að við að koma ungviðinu á legg - Stolt Austurlands.