Fréttatilkynning frá stjórn SKOTVÍS - Bæklingur um stefnu SKOTVÍS og ráðstefna um veiðistjórnun

Út er kominn bæklingur á vegum SKOTVÍS, landssamtaka um skynsamlega skotveiði, sem ber heitið Hafðu áhrif á framtíð skotveiða.

Stjórn SKOTVÍS hóf vinnu í fyrra til að skerpa á stefnu félagsins og aðlaga skipulag starfseminnar til að ná markmiðum sínum og tryggja komandi kynslóðum möguleika á því að stunda skotveiðar í náttúru Íslands. Stefna og áherslur taka mið af niðurstöðum skoðunarkönnunnar meðal skotveiðimanna í júní 2012 og mun stjórn félagsins kappkosta við að vinna markvisst að þeim áherslum sem þar koma fram [sjá nánar hér].

Til að ná markmiðum félagsins verða stofnuð sjö svæðisráð sem félagsmenn og aðrir veiðimenn munu sitja í. Tilgangurinn með stofnun svæðisráða  er að gera vettvang SKOTVÍS aðgengilegri fyrir skotveiðimenn um land allt. Fjögur fagráð hafa einnig verið stofnuð til að veita málefnastarfinu faglegan stuðning, en þau eru:

  1. Náttúra, nýting og veiðisiðferði
  2. Lagaumhverfi skotveiðimanna
  3. Rannsóknir og styrking veiðistjórnunar
  4. Fræðsla, miðlun og ímynd

Eitt af megin markmiðum félagsins er styrking faglegrar veiðistjórnunar. Af því tilefni stendur SKOTVÍS í samstarfi við Umhverfisstofnun fyrir ráðstefnu á Grand Hótel fimmtudaginn 21. mars undir yfirskriftinni „Wildlife Research and Wildlife Management“. Þar mun fjöldi erlendra og innlendra sérfræðinga fjalla um áherslur og aðferðir í veiðistjórnun og stjórnun á villtum dýrastofnum (e.wildlife management). Ráðstefnan er öllum opin.

SKOTVÍS telur að þær aðgerðir sem þegar eru í undirbúningi á vegum félagsins sýni að félagsmenn SKOTVÍS eru brautryðjendur í skynsamlegri nýtingu veiðistofna.

TENGDAR FRÉTTIR:

Framtíð skotveiða á Íslandi - Veiðimenn móta stefnu SKOTVÍS og fylgja henni eftir, 7. september 2012.

Stofnun fagráða og svæðisráða innan SKOTVÍS, 3. nóvember 2012.

Tags: félagsins, þar, skotvís, félagsmenn, markmiðum, skotveiðimanna, veiðistjórnun, stjórn, stefnu, vegum
You are here: Home