Dúfnaveislan 2012

Skjóttu Betur plakat-page-001Til hamingju veiðimenn, dúfnaveislan 2012 er hafin.

Dúfnaveislan er samstarfsverkefni Umhverfisstofnunar (UST), Skotveiðifélags Íslands (SKOTVÍS), ýmissa félaga sem reka skotvelli auk styrktaraðila.

Fyrirkomulagið á Dúfnaveislunni er einfalt, þú veiðimaður góður mætir á opnunartíma á næsta skotvöll, upplýsingar um opnunartíma er að finna á http://skotvellir.is og hjá hverju skotfélagið fyrir sig.
Skorkortið færðu á skotvellinum og að loknum 10 æfingahringjum er kortinu skilað til starfsmanns vallarins. Þá ertu kominn í haddrættispottinn, vinningshafar verða dregnir út fyrstu vikuna í september.

Tilgangur Dúfnaveislunnar er að hvetja veiðimenn um land allt til að kynna sér þá aðstöðu sem skotvellirnir hafa uppá að bjóða og stunda reglulegar skotæfingar áður en veiðitímabilið hefst og undirbúa sig eins og best verður á kosið.

Reikna má með að um hátt í 10 þúsund veiðikortahafar muni ganga til veiða á næstu mánuðum, en sannir veiðimenn temja sér ákveðnar siðareglur í umgengni sinni við náttúruna og umhverfi sitt og ein af þeim siðareglum er ástundun skotæfinga. Veiðimaður sem vill hitta bráð sína þarf að vera einbeittur, í formi, fær um að meta fjarlægðir og meðvitaður um eiginleika vopna sinna og skotfæra og því eru veiðimenn hvattir til að nýta sér þennan viðburð til að kynnast því sem félög víða um land hafa uppá að bjóða.

Skotvellirnir bjóða uppá margvíslegar þrautir, s.s. Skeet, Sporting og Trap auk annarra uppstillinga sem eru aðgengilegir á ýmsum tímum. Veiðimenn geta kynnt sér vefsíður þeirra félaga sem reka vellina með því að vafra inn á http://skotvellir.is

Tags: hafa, land, 2012, þarf, veiðimaður, dúfnaveislan, opnunartíma, //skotvellir.is, skotvellirnir, reka, félaga, http, bjóða, veiðimenn
You are here: Home